Jennifer Aniston do të martohet me Justin Theroux

   

Ditëlindja e këtij viti për Justin Theroux ka qenë tepër e veçantë. Ndërsa ka festuar me të dashurën e tij, Jennifer Aniston, aktori ka marrë një surprizë tepër të bukur nga aktorja hollivudiane, e cila i është përgjigjur “Po”, propozimit për martesë. Çifti tashmë është zyrtarisht i fejuar dhe zëdhënësi i Justin ka deklaruar se dy aktorët kanë vendosur të martohen. “Justin Theroux ka festuar një ditëlindje të jashtëzakonshme të premten, ku dhe ka marrë dhuratën e mrekullueshme, kur e fejuara e tij Jennifer Aniston, ka pranuar të martohet”, është shprehur zëdhënësi për People. 46-vjeçarja Aniston është njohur me Theroux në vitin 2011, periudhë kur ata interpretonin në filmin “Lakuriq e të lumtur”, dhe prej asaj kohe jetojnë së bashku.Për Aniston kjo është martesa e dytë pasi ajo ka qenë e martuar me aktorin hollivudian Brad Pitt, me të cilin është divorcuar në vitin 2005.