Turizmi, Berisha: U krijuan 190 mijë vende pune

Pas disa ditesh pushime, kryeminstri Berisha e nisi mbledhjen e sotme të qeverisë me një minutë heshtje në nderim të figurës së politikanit Arbën Xhaferri. Kryefjalë e kësaj mbledhje ishte turizmi, që sic tha ai ka shënuar këtë vit një dyndje të paprecedentë.Berisha gjeti rastin të falenderojë të gjithë turistët e huaj dhe shqiptarë që zgjodhën Shqipërinë, për të kaluar ditët më të ëmbla të vitit, sic komentoi kryeministri. 

“Kryefjalë e kësaj mbledhje nuk mund të jetë tjetër vecëse sezoni turistik. Unë në emër të qeverisë dua të falenderoj së pari të gjithë shtetasit e huaj dhe shqiptarë të cilët pjesën më të ëmbël të vitit, pushimet i’a besuan Shqipërisë. Me vendimin e tyre fisnik bënë që sezoni i deritanishëm të jetësezoni më i paprecedent në historinë e vendit. Bënë që Shqipëria të marrë rreth 277 mijë më shumë turistë gjatë 7 muajve të parë të vitit se një vit më parë, kjo rritja më e ndjeshme. Bënë që të fuqizohet më tej si degë kryesore në ekonominë shqiptare, dega e turizimit. Vetëm nga kjo degë në vend u krijuan 190 mijë vende pune. Të gjithë ata që udhëtojnë nga Velipoja në Ksamil konstatojnë morinë e jashtëzonshme të vendve të punës që funksionojnë në këtë sektor. Nga Velipoja në Ksamil kurrë nuk ka pasur një dyndje të tillë turistike”, tha kryeminstri.