LG hedh në treg telefonin e fuqishëm Optimus G LTE

LG ka shpalosur telefonin e saj të fundit inteligjent Optimus G, një telefon me sistem Android-i dhe me lidhje të fuqishme 4G LTE.
Pajisja ka një ekran me prekje 4,7 inç, 1280 x 768 pikselë, procesor 1,5 GHz quad-core, bateri 2100 mAh, RAM 2 GB dhe kamera të pasme 13 megapikselë.
Ekrani është jashtëzakonisht i hollë (i tërë aparati është vetëm 8.45 mm i trashë), i cili nënkupton se përdor të njëjtën teknologji in-cell si ekranet, që LG-ja raporton se po prodhon për iPhone-in e ardhshëm të Apple-it.
Pajisja, e cila do të ketë sistem Android Ice Cream Sandwich, është planifikuar të dalë në Kore muajin e ardhshëm dhe nga fundi i vitit do të jetë i gatshëm në mbarë botën.