Futbollisti i Arsenalit me 28 motra e vëllezër

Mesfushori 24-vjeçar i Arsenalit, Alexandre Song, është vendosur në qendër të tratativave të merkatos pas spekulimeve për mundësinë e transferimit të tij në radhët e Barcelonës. 

I bërë i famshëm në Premier League për stilet e tij të larmishme të flokëve, kamerunasi ka edhe një histori të veçantë për të treguar.

Song, idhulli i të cilit është ganezi Micheal Essien, është vëllai i 17 motrave dhe 10 vëllezërve të tij, shumë prej të cilëve kanë nevojë për përkujdesjen financiare të futbollistit për të jetuar.

I formuar tek Bastia në Francë, ish-futbollisti i Francës U-17, Alexandre vendosi që të luante në moshë madhore tek kombëtarja e tij e vërtetë, Kameruni.

I lindur në kryeqytetin Duala, në një prej lagjeve të varfëra të tij, mesfushori nisi të merrej me futboll i frymëzuar nga xhaxhai i tij, ish-futbollisti i njohur i Kamerunit dhe Liverpool, ndër të tjera, Rigobert Song.