Berisha vendos rekord të ri në not

Kryeministri Sali Berisha ka shënuar një rekord të ri në not. Kreu i qeverisë, i cili po vijon pushimet në jug të vendit, në Dhërmi ka notuar për 2 orë e 52 minuta. Kryeministri është futur në ujë në orën 09:10 minuta dhe ka dalë prej andej në orën 12:02 minuta. Ndërsa në muajin korrik të këtij viti, Kryeministri notoi për 141 minuta në ujërat e mrekullueshme të detit Jon, kundrejt 132 minutave të një viti më parë. Noti filloi në orën 9:10 dhe përfundoi në orën 11:31 minuta. “Zëri i detit Jon më tha se ky rekord i ri personal është një ogur i bardhë për fitoren e merituar të zgjedhjeve të 2013-s”, është shprehur Kryeministri.