Inter hidhet në sulm për mbrojtësin e Portos Alvaro Pereira. Ekipi i Massimo Morattit nuk është i vetmi klub Italian që interesohet për kartonin e 26-vjecarit pasi dhe Napoli i De Laurentis prej kohësh ka vendosur nën radarët e tij 26-vjecarin. Në fakt në Portugali të gjithë ishin të sigurt që Pereira do të vihej nën shërbimet e Walter Mazzarit, por me ngecjen e bisedimeve janë pikërisht zikaltërit që përfitojnë dhe nuk humbin kohë duke kontaktuar me menaxherin e lojtarit.
Përveç konkurrencës së Napolit, punën zikaltërvë ia vështirëson dhe Tottenhami i Villas Boas apo një klub rus të cilët kanë ofruar 19 milion euro për uruguajanin. Për të patur në skuadër lojtarin Inter duhet të derdhë në arkat e Portos 20 milion euro teksa të enjten një prej drejtuesëve të shoqërise portugeze pritet të zbarkojë në Milano për të gjetur akordin mes palëve.
Megjithatë Inter shpreson dhe tek marrdhëniet e mira që ka me presidentin Pinto de Costa për të realizuar me sukses trasferimin e mbrojtësit në Seria A edhe pse do të jetë e vështirë për të binduar klubin që të privohen nga një tjetër lojtar apo t’i bindin që ta marrin në formë huazimi, sidomos pas trasferimit të Guarin për këtë sezon tek ekipi Italian.
Pereira pëlqehet shumë nga Andrea Stramaccioni pasi lojtari përshtatet më së miri me kërkesat e teknikut edhe pse ardhja e tij do t’a bëntë më të sigurtë largimin e Maicon nga Inter.
No comments:
Post a Comment