Shalqi për të ‘zëvendësuar’ viagrën

SHBA- Një studim i ri i Universitetit të Teksasit, SHBA nxjerr në dritë fakte interesante për sa i përket potencës seksuale.

Shkencëtarët kanë arritur në konkluzionin se konsumimi i shalqinit zëvendëson rolin e viagrës. Sipas tyre, shalqini përmban citrullina, substancë që rrit furnizimin me gjak, por duhet të theksojmë se në të njëjtën mënyrë funksionon dhe tani viagra.

Cintrullina, kur përzihet me substancat e enzimave në trup, kthehet në një aminoacid të quajtur argininë.

Hulumtuesi amerikan nga Universiteti i Teksasit Dr Bhimu Patil thotë se, "Arginina rrit oksidin nitrik në trup, i cili relakson enët e gjakut, duke pasur pikërisht të njëjtin efekt si viagra."

Megjithatë sasia e shalqinit që rekomandohet për konsum, që të arrini efektin e viagrës është deri në 6 pjata të mëdha të mbushura me shalqi. Nëse mund ta konsumoni, mbetet zgjidhja juaj!